sidudurj news :महाराजांचा पूर्णाकृती पुतळा कोसळल्यानंतर मोठी कारवाई नटबोल्ट गंजल्याचं पत्र नवी माहिती समोर
सिंधुदुर्ग जिल्ह्यात मालवण राजकोट किल्ला येथे उभारण्यात आलेला छत्रपती शिवाजी महाराजांच्या पूर्णाकृती पुतळा कोसळल्यानंतर शिवप्रेमींकडून संताप व्यक्त होत आहे.
या प्रकरणात आता शिल्पकार आणि कन्सल्टंट या दोघांवर मालवण पोलीस ठाण्यात गुन्हा दाखल करण्यात आला आहे. पालकमंत्री रवींद्र चव्हाण यांनी या दोघांवर गुन्हा दाखल करण्याचे निर्देश दिले होते. रात्री उशिरा मालवण पोलीस ठाण्यात हा गुन्हा दाखल झाला आहे.
मालवण येथील सार्वजनिक बांधकाम विभागाचे श्रेणी १चे सहाय्यक अभियंता अजित जनकराज पाटील यांनी या प्रकरणाची फिर्याद मालवण पोलीस ठाण्यात दाखल केली आहे.मालवणच्या सार्वजनिक बांधकाम विभागाने नौदलाला याविषयी २० ऑगस्ट रोजीच लेखी पत्र पाठवून या पुतळ्यासाठी वापरले गेलेले नटबोल्ट गंजले असल्याची स्पष्ट कल्पना लेखी पत्राद्वारे दिली होती
अशी धक्कादायक माहिती आता समोर आली आहे. मात्र शासनाच्या सार्वजनिक बांधकाम विभागाने हे पत्र देऊन आपली सुटका करून घेतली आहे का? असाही प्रश्न आता या निमित्ताने उपस्थित होत आहे.
