अहिल्यानगर जिल्ह्याच्या सामाजिक, शैक्षणिक व लोकहिताच्या कार्यात उल्लेखनीय योगदान देणारे श्री. अशोकलाल (काका) लोढा यांना दै. पुण्यनगरीच्या वतीने प्रदान करण्यात येणारा प्रतिष्ठेचा “हिरोज ऑफ अहिल्यानगर २०२६” पुरस्कार प्रदान करण्यात आला. हा सन्मान मिळाल्याने त्यांच्या कार्याचा गौरव झाला असून परिसरातून त्यांच्यावर अभिनंदनाचा वर्षाव होत आहे.
हा मानाचा पुरस्कार बिजमाता पद्मश्री राहिबाई पोपेरे, अतिरिक्त पोलीस महासंचालक श्री. कृष्ण प्रकाश तसेच दै. पुण्यनगरीचे मुख्य संचालक श्री. भावेश शिंगोटे यांच्या हस्ते प्रदान करण्यात आला. मान्यवरांच्या उपस्थितीत झालेल्या या सोहळ्याने कार्यक्रमाची शोभा अधिकच वाढवली.
श्री. अशोकलाल (काका) लोढा यांनी समाजहित जपत अनेक उपक्रम राबविले आहेत. सर्वसामान्यांच्या सुख-दुःखात सहभागी होणारे, विकासकामांसाठी सातत्याने प्रयत्न करणारे आणि सामाजिक बांधिलकी जपणारे व्यक्तिमत्त्व म्हणून त्यांची ओळख आहे. त्यामुळेच “हिरोज ऑफ अहिल्यानगर” हा पुरस्कार त्यांना मिळणे म्हणजे त्यांच्या कार्याची योग्य दखल असल्याची भावना नागरिकांनी व्यक्त केली.
या यशाबद्दल साई कुबेर डेव्हलपर्स, कोपरगाव, साईबाबा परिसरातील ग्रामस्थ, शिर्डी गावकरी तसेच समस्त रूई (कोहकी) ग्रामस्थांच्या वतीने श्री. अशोकलाल (काका) लोढा यांचे हार्दिक अभिनंदन करण्यात आले आहे.
“काकांचे कार्य म्हणजे समाजसेवेचा आदर्श; त्यांचा सन्मान म्हणजे संपूर्ण परिसराचा सन्मान”, अशा शब्दांत नागरिकांनी आपल्या भावना व्यक्त करत काकांच्या कार्याची मुक्तकंठाने प्रशंसा केली आहे.
त्यांच्या पुढील वाटचालीसाठी सर्व स्तरांतून शुभेच्छांचा वर्षाव होत असून, त्यांनी भविष्यातही समाजहिताची ही परंपरा कायम ठेवावी, अशी अपेक्षा व्यक्त केली जात आहे.
हार्दिक अभिनंदन काका…! आपल्या कार्याचा हा गौरव संपूर्ण अहिल्यानगर जिल्ह्यासाठी अभिमानाची बाब आहे. 🌹🏆👏
