शिर्डी –
श्री साईबाबांवरील अखंड श्रद्धा आणि भक्तीभावाचे आणखी एक सुंदर उदाहरण शिर्डीत पाहायला मिळाले. छत्तीसगड, दुर्ग येथील साईभक्त श्रीमती गितीका सहाणी यांनी श्री साईचरणी तब्बल ₹1,54,253 किमतीचा तसेच 13.100 ग्रॅम वजनाचा सोन्याचा गुलाब अर्पण करून आपली अनन्यसाधारण भक्ति व्यक्त केली.
जाहिरात
अत्यंत मनोभावे अर्पण केलेले हे सोन्याचे फुल श्री साईंच्या दरबारात विशेष आकर्षण ठरले आहे. देणगी अर्पण केल्यानंतर श्री साईबाबा संस्थानच्या वतीने कार्यकारी अभियंता भिकन दाभाडे यांनी श्रीमती सहाणी यांचा सत्कार करून संस्थानतर्फे कृतज्ञता व्यक्त केली.
साईभक्तीचा हा अद्वितीय नमुना पाहून साईनगरीत सर्वत्र चर्चेला उधाण आले असून, भक्तीभावाने केलेली देणगीच साईच्या दरबाराचे खरे वैभव असल्याचे भाविकांचे म्हणणे आहे.
DN SPORTS
जाहिरात
