राहता | प्रतिनिधी :
राहता शहरातील पिंपळस रोड परिसरात चिक्की, बिस्किटे व चॉकलेटच्या नावाखाली प्रतिबंधित गुटखा व तंबाखूजन्य पदार्थांची विक्री सुरू असल्याचा आरोप नागरिकांकडून करण्यात येत आहे. संबंधित ठिकाणी खुलेआम गुटख्याची विक्री होत असल्याने परिसरातील नागरिकांमध्ये नाराजी व्यक्त होत आहे.
नागरिकांच्या म्हणण्यानुसार, डायमंड डी लाईट डिस्ट्रीब्यूटर, पिंपळस रोड, कांकरिया किराणा शॉप, शिवशक्ती क्लॉथ सेंटरसमोर या परिसरात चिक्की, बिस्किटे व चॉकलेटच्या नावाखाली गुटखा विक्री होत असल्याची माहिती आहे. या प्रकारामुळे तरुण पिढीवर विपरीत परिणाम होत असून, प्रतिबंधित तंबाखूजन्य पदार्थांची विक्री करणाऱ्यांवर कठोर कारवाई करण्याची मागणी होत आहे.
या प्रकरणाची राहता पोलीस निरीक्षक सरोदे यांनी तात्काळ दखल घेऊन संबंधित ठिकाणी तपासणी व चौकशी करावी, तसेच आरोपांमध्ये तथ्य आढळल्यास संबंधितांवर कायद्यानुसार कठोर कारवाई करावी, अशी मागणी राहता शहरातील नागरिकांनी केली आहे.
प्रतिबंधित गुटखा व तंबाखूजन्य पदार्थांची विक्री रोखण्यासाठी पोलीस प्रशासन आणि संबंधित विभागाने संयुक्तपणे मोहीम राबवावी, अशीही नागरिकांची अपेक्षा आहे.
